Psa 126 | LinMNB | STEP | Nzembo ya mobembo tango bazalaki na nzela mpo na kokende na ndako na Yawe. Tango Yawe azongisaki bakangami na Siona, tozalaki lokola bato bazalaki kolota ndoto.

Psalms 126

Kolona mpe kobuka

Nzembo ya mobembo tango bazalaki na nzela mpo na kokende na ndako na Yawe.

1 Tango Yawe azongisaki bakangami na Siona,
tozalaki lokola bato bazalaki kolota ndoto.

2 Minoko na biso etondaki na koseka,
lolemo na biso na banzembo ya esengo.
Bongo ezalaki koloba na kati-kati ya bikolo,
“Yawe asalelaki bango makambo ya minene !”

3 Yawe asalelaki biso makambo ya minene ;
mpe totondaki na esengo.

4 Zongisa lisusu bomengo na biso, Yawe,
lokola bamayi na Negeoi !

5 Baoyo bazali kolona na mayi na miso,
bakobuka na banzembo ya esengo.

6 Ye oyo akendaka libanda na kolela
tango amemaka bambuma oyo alonaka ;
akozonga na banzembo ya esengo,
akomema biloko
ya elanga na ye.